Shadow 's Blog

地點 : 北京
時間 : 11月9-12日
溫度 : 凍
天氣 : 陰

因為琴晚實左係太早瞓, 今日瞓到九點就自然醒左, 起身睇下電話, shit, 租車公司重未打黎話送車既. 即刻上網搵番間公司既電話, 打去問左兩句就話同我跟... 然後5分鐘到, 租車公司就打黎話大約20分鐘後到.

20分鐘後, 落樓下, 今次租既車係廣本新飛度... 啫係澳門既09 fit, 部車紅色, 自動波, 1.5L, 坐五個人佢地後邊話幾適服喎. 部車包保險, 車租, 上門送還車都係375, 入油入左160, 加埋路費嗰啲每人都係120咁上下, 抵啦!

好, set 好GPS 就出發, 經東二環, 北二環上八達嶺高速, 揸左大約一個鐘咁上下, 就到達長城. 去到長城纜車停車場, 我認得啦, 我以前黎過架, 因為上到近纜車站都係同以前一樣咁荒涼. Yuki 同Ann 話唔上, 咁我就陪Simon 同Charlotte 去啦. 上到去, 都係影下相, 同十年前分別唔大.

跟住番番落黎, 佢地就去買手信, 我就set GPS 諗住去食野, 點知出番市區, wa cao, 塞車到, 最後只好決定先放低Simon 同Charlotte 係紫禁城, 我就同另外兩個去食都一處.

都一處, 話說係乾隆親自起, 話咩都係這一處的燒賣好食. 佢叫就叫燒賣, 實情我覺得似小籠包囉. 唔係咁啱胃口. 都係廣東燒賣好食啲.

食完, 送緊Yuki 去南鑼鼓巷既途中, Simon 打電話黎話睇完故宮... (心諗, 有無咁快呀), 係南鑼鼓巷放低yuki and ann 就去景山接佢地. 接完佢地, 泊部車係行人路就跟住去埋南鑼鼓巷買野. 我發覺全中國每個旅遊城市都最少有一條呢啲街, 係廈門就係中山路, 成都就寬窄巷子, 廣州就北京路.... hoho. 買左啲紀念品, 然後就搵番車去王府井行下. 王府井就係步行街, 比較大, 而且多商場, Ann 就帶左我地去王府井百貨買手信, 我諗我地四個人買左成千蚊... 大出血呀!! 買左啲咩老北京小食, 買左大蝦蘇, 最貴就係啲鴨腎, 唔覺意咁執一袋... 就成百蚊... shit

買完手信, 諗住去食野, Ann 就話不如一齊去睇多次水立方, 諗諗下都好, 日頭睇嗰個水立方真係好核突... 去到真係好唔同, 開左燈靚好多, 係咁意影幾張相就走啦.

今晚本來諗住去便宜坊食烤鴨, 點知係長門大街搵黎搵去都搵唔到, 然後又求其是但搵間門面幾好睇既就入左去, 呢餐烤鴨, 我個人覺得無第一餐咁好食, 不過平廿蚊, 算係咁啦.

飲飽食醉, 車哂佢地四個番酒店, 自己就出去入油, 本身諗住入$30, 點知入完個錶唔郁...shit, 入多30蚊, 搞到又入多左... fuck, 算, 最後自己一個人開完小小去左世貿天階睇下, 原來係一個好長既天幕, 不過咁夜人影都無隻, 開車番酒店, check 下有無漏野就番上樓.

番到上去, 左hea 下右hea 下, 都唔記得搞到幾點, 諗住沖涼.... shit, 點解得熱水架... 無錯, 你無睇錯, 係得熱水無凍水... 搞到我除哂衫又要著番哂, 然後同佢地鋤dee, 玩last card... Ann 輸左成晚, 佢玩到發哂牌氣 XD 最後, 好似大約兩點拎就死去瞓覺...

今日正常就係北京最後一晚, 但因為今日睇新聞話山西, 石家莊暴雪, 希望唔好濟留係北京啦...

Shadow

地點 : 北京
時間 : 11月9-12日
溫度 : 凍
天氣 : 陰

第二日,準時七點鐘起身, 高速咁換衫擦牙後就落樓食早餐. 早餐確係唔錯, 都算合廣東人口味. 食到咁上下, 由於約左司機八點鐘係樓下等, 大部份人都準時, 唯獨係有兩個, 明知今日係做正經野都遲到... 唉, 結果等到8:30 先齊人. 最後, 好彩無堵車, 九點多小小到北大, 跟住去到, 又係火滾, 北大學生會都唔知搞乜, 我地雖然係細會, 無咩權力, 但係都唔係咁那西下話, 十條友, 比保安攔住唔比入, 要等學生會啲人出黎帶....
好啦, 等到學生會出黎帶, 就係北大又凍又跣既環境下行左十分鐘到課室, 開始交流啦....
詳情都係嗰啲, 深深咁明白, 單純作學生會交流真係乜都交唔到, 因為兩地文化背景, 學生來源都太大差異啦, 佢地啲學生唔參加學生活動都無野做, 長期留係宿舍打機咩. 錢方面, 真係百年學府就係百年學府, 搞個活動都可以叫啲私人公司出廿萬.... hoho

跟住, 交流完, 佢地就帶我地行北大, 去左未名湖, 北大圖書館同一個塔, 都係影下相咁...最後係北大西門, 北京大學門口交換紀念品, 咁就交差囉 hohoho

然後call 車, 去體大等體院交流完畢, 一齊去水立方, 鳥巢. 因為中午無食中午飯, 太凍啦, 去到水立方外圍第一時間係食左個巨無霸 XD, 然後再影下相咁. 水立方朝早睇真係好醜樣, 鳥巢就都係嗰個樣, 因為時間同佢地兩個都內部裝修, 所以無入去, 影下相又走左啦.

然後, 司機車我地去天安門廣場, 係呢到真係要讚下呢個司機, 佢真係好好人, 特登行老城區, 比我地睇下北京老區係點, 又同我地講呢條路係北京既龍脈, 中貫線, 真係好似一個導遊咁.

然後去到天安門附近就放低我地lu.咁我地又去到天安門廣場, 影下相, 同fatman , 柏熙擁抱一下, 因為今次交流真係搞掂啦!!!

跟住搭地鐵番酒店, 今次真係好叻, 我問心, 我完全唔知酒店最近既地鐵站係邊, 但係因為酒店條街叫朝陽門, 所以就係朝陽門落, 一出地鐵站, 就問個呀姐點行, 跟手佢話好近, 就呢到一路行, 兩個紅綠燈咁.... 點知就奶野啦, 行左5分鐘, 佢地話要係七仔買野, 咁我係門口等啦, 跟住開個GPS 睇下自己係邊, 一睇... shit 重有成12km 先番到酒店.... 果然好近, 係來回西灣橋六次囉呀姐!!

無計, 行啦, 行到一半, 肚餓, 見到一間門口幾乾淨既打邊爐, 就入去食, 5個人食左202, 抵呀!!

然後一路行番酒店, 本身應承左fatman 去唱K, 點知我太攰, 瞓左... 九點幾瞓到第二朝... sorry r fatman

Shadow

地點 : 北京
時間 : 11月9-12日
溫度 : 熱 > 凍
天氣 : 晴 > 晴(?)

11月9日, 凌晨兩點, 我啱啱先係園遊會既慶功晚宴上回家, 開始慢慢諗下, 有咩我係要執去北京, 因為天氣預報話北京會落雪, 再加上前幾年去東北既經驗, 今次帶左足夠有多既衫去. 係到左hea 右執既情怳下. 四點鐘終於捨得仆落床, 瞓覺.
朝早八點幾起身, 終於開始正式既北京之旅啦, 老豆八點幾車我去到關閘, 過完關, 買份早餐就等上車去珠海機場, 其間由於fatman 兄同旅遊公司嗰邊有啲誤會, "擔"誤左啲時間. 不過都有驚無險咁上左車, 大約十一點就到左珠海機場. 相信有搭過國內機既朋友都知道, 國內搭飛機係例遲既, 遲一個鐘以經算係好準時嗰堆, 所以, 今次班機無令我失望, 由原本12:45 起飛, delay 到13:50分. 算啦, 買杯咖啡, hea 下囉.
飛機準時於delay 時間起飛, 五點幾到達北京, 一出機就感覺到出邊果然係得幾度嗰種, 一個字, 爽. 攞哂行李. 行去等車, 跟住又有問題啦, 30個人, 諗住34坐點都夠坐有突啦, 點知唔夠位放行李, 搞到有啲三個人坐兩個人位, 真係唔好意思啦~~ 番到酒店, 搞完一大輪check-in, 分哂房咭, 講哂第二日幾點morning call 後, 各自回房.
回房, 簡單整理後都成九點幾, 然後五條友由酒店行去王府井. 係呢到要講下北京人近既慨念, 我地覺得新, 係由呢個街口行去第二個街口, 路程不多於200M, 以北京人既近, 係大約兩至三個紅綠燈. 步行三十分鐘以內... 就係因為呢個文化衝突, 我地五條友係接近0度既天氣下行左30分鐘.... 先至行到去王府井大街.
去到後, 因為成日無乜點食野, 就直接行左去掃街, 然後搵左間小店, 試北京烤鴨, 亦因為咁, 我先知道旅行團係幾咁貼心, 我點108蚊一隻, 有兩點跟個湯, 旅行團食烤鴨, 佢真係比你試下架ja, 每人有一片, 想試多片都唔得, 我諗主要係怕你地食唔慣呢啲野. 真係要讚下.
食完, 吹完, 埋單, 再望下出邊, 落雪喎! 去東北嗰次, 見過係地下既雪, 未見過落緊既雪, 今次真係好彩, 第一晚就見到雪, 同行既幾為女同學, 佢地真係開心到咩都唔記得咁濟, 係到不停影, 搞左成半個鐘, 跟住番到酒店, 我自己諗住一個人落黎影下, 點知佢地又繼續佢地high 爆既心情, 卒知影到半影點幾...

就係咁, 第一日就咁過左去, 其實, 我一路都好擔心, 因為係第一次我地自己搞掂所有野, 機票, 酒店, 交通, 所有野都自己安排, 再加上第二日就係同北大既交流, 心情真係好緊張. 好怕有咩做得唔好, 到時搞唔掂就三十個人企係北京架啦. 不過, 臨訓前我只係擔心一樣野, 就係第二日會唔會唔知醒. XD

Shadow

查看大图

Shadow

六月二十五日（陰）：

今日六點九起身，但係小弟六點先瞓得著，成晚係做最後功課，跟住六點九起身，叫醒老豆，叫埋Crystal咁就一齊向珠海機場出發啦。

其實我都幾擔心，話哂呀風神五六點先登陸深圳，好怕今日飛唔到，飛唔到就大獲了！一路上都好大雨，而且亦開始有小小水浸，坐左差唔多個半鐘車，終於平安去到珠海三灶機場（多謝爸爸 :D）。

去到就搞托運嗰啲野，見時間尚早就去大家樂食埋野先，老實講我覺得重平過拱北，火腿午餐蛋加塊多士，炸菜肉絲米再加多杯奶茶先係十六蚊，重唔抵咩？

跟住未又係嗰啲，唔講咁多啦，班機delay 左大約半個鐘，最後順利升空往今次既目的地海南島出發lu。

飛行時間五十分鐘，無靚空姐。

到海口美蘭機場，媽咪同佢朋友就係出邊等，車左我同Crystal去食海南島既第一餐海鮮，真係又平又好食！！同嗰死人康記真係差得遠！

食完媽咪就帶我地上高速兼醒左箱生果比我地沿路食，放低佢地我地就向三亞直奔啦！

一路上，車唔多亦唔快，但係我就極眼瞓，加上啲局部地區性雷雨，行左差唔多三個鐘先到亞龍灣（去到好似四點幾差唔多五點），入亞龍灣嗰條路就以經比左個好好既印象我地，今晚我地住既酒店係假日，去到check-in放低行李，就換拖行去踏浪啦，亞龍灣真係好靚，啲沙好幼，水好清，不過嗰日都幾大浪，而且身為澳門人，見到海唔會有東北佬嗰種莫明奇妙既興奮，所以都係踏下浪，踼下水，影下相就番上酒店，執下裝備就攞番車出發去三亞市區（亞龍灣距離市區約二十多公里）。

今晚既晚餐就係去網上極之出名既春園海鮮廣場，我地捒左六排六號，因為網上話佢好似係廣東人，所以就捒佢啦，個［店小妹］就帶左我地去捒海鮮，點左一斤蝦，一斤花甲，五隻帶子，兩隻海膽同埋半隻文昌雞，連加工費都唔駛百六，係灣仔我諗最少都二三百；食完就急急腳走，渣車遊下車河，睇下三亞市區，行下超市咁就番番酒店瞓覺lu。

六月二十六日（晴加好熱）

成十點半先起身，check-out 出發往蜈支洲島碼頭，行呀行行左成半個鐘，一心去潛水但係要旅行社去簽單先有平價，最後就捒回程會經過既分界洲島潛水。咁好啦，今日無得潛就去南山睇下囉，南山話自己係［福如東海，壽比南山］個南山，但係以我有限既文法知識，東海係山東，南山邊有可能係海南，所以佢呢啲野我都係當佢老吹。南山有全世界最高既海上觀音，成百米高架，加上全身白色，都幾靚，而且佢入邊既齋真係好正，可能我平時唔食開齋唔識野，但佢啲梅菜扣肉我真係壞疑係用豬肉做既，如果唔係點會咁好食！？跟住都係嗰啲，入去拜下神，香我就無燒啦。＊小弟係到建議大家唔好慳嗰廿蚊，唔坐佢部觀光車係大熱天時下真係會好後悔！

拜完神睇完觀音就渣車番亞龍灣，其間有段小插曲係離開南山無幾耐，一路開車既時候突然有隻黑蚊蚊既雞跑出黎，我唔想無啦啦洗車所以就重brake加避開佢，最後都停得切，如果唔係就有排洗啦 L，唔知係唔係啱啱入廟嗰陣唔記得唔可以踩啲門檻，搞到即時當黑。。。。番黎要燒下香先得。

番到亞龍灣，今晚入住既係鉑爾曪渡假酒店，今年新開加法國佬做老闆，所以要成千六蚊晚，但係，點解我地都捒佢呢？因為佢間酒店房入邊有私人泳池，真係裸泳都無人理你呀！咁話哂成千六蚊，就成間係酒店房到游下水，睇下電視食下生果，晚飯都係酒店解決，實行千六蚊洗盡佢呀嗎！

六月二十七日（晴）

琴晚掛住睇電視，搞到十一點都唔願起身，打去FO問佢late check-out 幾點，佢就話一點，咁都okay啦。咁就換衫起身走去check-out攞車走lu。向今日目的地分界洲進發。一路渣左一個鐘，以為分界洲係陵水落，點知一落就唔對路，點解好似未開發咁既，走去油站問人，佢地話一路再向海口行就會見到分界洲島個牌，咁就信佢，果然無幾耐就見到。

去到泊好車，換左泳衣就坐船出去。渣船嗰條友好似痴左咁渣得勁快，但係因為勁大浪，好似坐緊過山車咁J。去到就換潛水衣、聽嗰個好似無聽既講解就上船出去第二個浮排到準備潛水。去到上鉛塊、氧氣筒就落水啦。基本上唔識游水都唔怕，因為你都無會游既。

大約潛三十分鐘，老實講唔太靚，好多珊瑚都死哂，教綀係咁想我影相，我睇到啲珊瑚咁就梗係唔影啦。摸下海膽、海參、珊瑚就上番水lu。不過最surprise 係嗰浮排有養海豚同海龜，不過佢地比人困住好慘咁…..

食下野，就上船番去攞車番海口啦。差唔多到海口時勁眼瞓，叫Crystal渣左五分鐘。

去到接埋媽咪同佢個frd 就一齊去食海鮮。發覺海南啲待應都係黑口黑面，好似欠左佢地咁。食就游陣車河番酒店啦。

六月二十八日 （雨）

今日要搭中午機番珠海。一早起身天陰陰，係酒店飲茶，飲到最尾就落大雨啦。羅車去市場買啲生果拎番屋企。去到機場、寄艙、check-in、同媽媽道別咁囉。班機因為珠海落大雨delay左三個鐘….. 悶到百佳… .

番到珠海搭機場快線番拱北等老豆車我地番入澳門（係珠海走時唔知係唔係眼花，睇到有部國泰係珠海機場起飛）。

就係咁，一個三日三夜既行程就完結。

今次三日兩夜既long weekend, 我就無版大咁富貴去泰國
近近地來過廣州, 增城三日兩夜遊 (主要係去泡溫泉)
廣州嗰日唔多講, 渣左兩個幾鐘車, 去到食中森名菜.... 唔知係唔係近來食得多禾花亭, 覺得中森名菜真係麻麻個麻麻...又貴又唔掂... (可能我無乜錢, 唔敢點貴野, 我諗貴野好食啲掛)
然後行正佳商場, 天河城等, 跟住就去七天連鎖酒店check in 左先 (位於北京路) , 位置應該幾方便, 但係係條巷入邊, 同埋近民居. (今次住商務大床房... RMB177).
入夜啦, 個肚又餓, 去左建設六路既森巴拉丁燒烤XXX 我都唔鬼記得咩名
78蚊位, 唔包飲品. 我諗食法好似漁人碼頭個非洲村差唔多, 味道略咸.
跟住遊左陣車河, 番酒店瞓lu....

第二朝, check-out , 又走去搵野食啦. 今次食蕉葉泰國料理(位於廣州時代廣場), 食物價錢唔貴, 好似平過拱北金象苑, 好大碟下添,兩個人都食唔哂, 但係味道我覺得金象苑好食啲.
食完就開車出發往今次既主角.... 金葉子溫泉度假村 ...........
食完飯, 由廣園路轉華南快速幹線, 京珠, 行新既街北高速去到從化附近, 行105國道
地圖話要轉入S355 省道, 我以為條省道好靚啦, 點知好似地方公路咁, 兩線行車, 途經兩條村, 周圍都係啲田呀, 總之係鄉下地方咁囉! 行呀行, 我諗都行左半個鐘, 經過白水寨風景區, 望向左上自, 突然見得間好靚既酒店 (同我同行既都係wa 左下聲).... 係佢啦, 總於都左金葉子啦!!
去到泊好車, 咁啱有部golf 車係停車場, 車埋我地去hotel lobby check-in , check-in 都幾快 (因為無人 )
本身book 係七百幾蚊一晚既房 (高級房), 問佢間房點既樣, 有無相睇下, 佢話無, 然後就同我解釋, 我book 既七百幾蚊係無景睇咁濟 , 因為係一樓, 我就問佢如果貴一級係幾錢, 佢話九百幾就係(豪華房) , 係最後邊嗰棟, 最高嗰層重有一間, 可以睇到下邊啲山景, 我見都係差兩舊, 無理由委屈自己架嗎 , 就轉左room type, 跟手做埋guarantee (佢地accept 大部份credit card, 我用HSBC master 都可以做到) *房價包兩人溫泉門卷, 兩人早餐, 同一個fruit amenity.
然後由golf 車送我地後最後嗰棟.....

係呢到提一提, 佢有三棟,每棟都係三四層, 因為佢成間酒店都係依山而建, 所以最後嗰棟係最高嗰棟, 睇既景應該係最靚 .

去到間房.... 又係嘩一聲, 無諗過九百幾都可以住呢啲房, 間房好大, 個浴室都好大, 張床都好大, 重每間房有個露台比你睇風景, 真係 (間房啲礦泉水係送既, 房間有lan 比你online, 有四對拖鞋, 兩對可濕水兩對唔可以)
我去到, 就因為太攰, 訓到七點幾, 跟住去浸溫泉啦, call golf 車黎接我地, 去到溫泉, 好好服務, 有齊毛巾, 拖鞋, 真係帶條泳褲就可以去浸, 去到溫泉區, 唔知係唔係因為無咩人, 定係佢想浪漫啲, 我個人感覺就唔係好夠光, 有啲泉直頭黑蚊蚊.... 我自己都唔係太敢浸 , 加上泉水唔太熱, 最熱嗰個我覺得都只係四十五六度...不過佢一路都有好多柜, 有好多毛巾, 同埋又有水機比你飲水, 我覺得都okay, 而且好多服務員, 感覺良好.
浸完就去按摩, 三百有找, 可選中/thai 式, 手勢好唔好就唔知, 但係幾好傾, 幾靚女
按到差唔多最尾, 個按摩師重話我濕氣重, 想同我刮刮沙 , 我話唔駛啦, 我怕痛
浸完按完, 上去charge 番按摩錢去間room 到, 就過番lobby 嗰邊既西餐廳食野.

呢單野就真係唔好意思, 因為無帶錶, 去到都唔知幾點, 人地收十點, 去到黑蚊蚊, 我問佢重有無野食, 佢話有, 即使夠鐘, 有客都要做, 真係抵讚

不過野食就真係唔平, 五十蚊既牛腩河 , 七十幾蚊既雞扒, 九十幾既pizza, 食完埋單重好似加一... $270.... 不過算啦, 都幾好食, 感覺無咩味精, 而且服務真係唔錯
食完又番上房 (呢到要提下女士, 因為靠山, 所以好多蟲蟲, 男士要好好保護下啦 )
番到去就大覺瞓, 第二朝本來set 左九點morning call 諗住試埋個早餐buffet, 點知最後都係起唔到身.... 然後十一點幾就call 車去check-out, 到最後比cash , 所以佢都即時退番guarantee 嗰1500 比我.
我亦完成呢一次旅程, 經高速番澳門 (途經石歧, 係咁而食下野咁囉 )

今日十三號一大早就搭十一點半船過HK... (super class 耶... 有早餐食 :D)
去首先去CWB 搵Teddy 攞隻GT4, 順便睇下食乜中午飯
本身諗住去韓式BBQ, 但係心郁郁走左去板前食壽師, 因為中午, 去到無咩人排隊, 等左十分鐘左右就埋位, 以為自己好好彩啦, 點知仆街.... 唔係無帶銀包, 係啲野食難食到仆街, 我一路都呃自己好柒好食, 但係我一出舖頭門口我就講左句粗口, 我未食過咁柒難食既壽師...

好, 唔好搞到自己咁勞氣, 就決定去唔去MK (TST 係一定去架啦), 經過一分鐘既決定, 我地今次放棄MK, 唔去MK 只去TST, 咁就去WC 幫Toms 買左memory card 先啦($460), 然後天星小輪過海
過到去就行左過去廣東道諗住睇LV,點知鬼咁多人, 去睇左Gucci 先, 本身係Crystal 想買銀包, 我陪睇既, 點知睇睇下我自己都睇中左一個... :D , 不過最後決定都係睇埋LV 先決定買定唔買.

咁好啦, 又番過去LV, 重係咁多人, 我就話不如睇埋其他先... 跟住去左Chanel, 然後入Burberry, 一入去部"防盜機"就響... 心諗, 又同上次一樣... 搞到心都淡哂, 好多舖頭都唔想入 *Burberry 件新polo 幾靚, 但係成千蚊件要諗諗先... :D

行行下去到city super, 醒起OOO's 啲人話幾好食, 咁就食左89 蚊... 同我想像中差好遠...但係好食過Venetian 間rich burger(?).

行番出去LV 到排隊, 入去引響... 妖.... 行下睇下運下吉又無野啱買...
最後去Gucci 諗住買啦, 點知Crystal 嗰個無新, 我睇中嗰個銀包又比個Sales 姐姐一言驚醒夢中人同我講 : 白色好易上色... 特別你條牛仔褲咁深色...
E... 係喎, 我成屋都係得黑色牛仔褲, 分分鐘一日個銀包就唔駛要啦!!
所以我都決定忍痛唔買啦... Bye bye my first designer wallet :P

然後Crystal 嗰個最後都比我說服左佢唔好買, 跟住我地又出去行下, 去左deli france 到抖抖... *杯野飲真係好難飲, 個廁所真係好污穢

然後去既幾間舖都不停響... 最後發現原來原兇係兩張memory cards (上次我都有買)
妖... 我發響我以後都唔會去香港買memory cards

跟住就由TST 行去紅館, 睇Joey 個concert lu...

入到去, 點解我係坐山頂既... 我係唔係買錯左百幾蚊啲飛?
anyway, Joey 唱得唔錯, 但係我周圍啲fans 就真係好鬼冷靜, 我反而係最熱情嗰個...

睇完就搭的士去港澳碼頭, 搭左十一點九船番澳門lu (super class :P)

總括來說:
今次食既野係極難食, 行到極攰, 同埋差啲買左第一個名牌wallet

上星期五去左香港,十一點船過去,去到行左旺角先,買左幾件衫,有一件nike自己好鐘意架,四點幾就入到迪迪尼...排隊同米奇影相都排左四十五分鐘,跟住又玩左巴斯光年太空之旅,飛越太空山,又睇左米奇音樂電影.最後睇埋煙花先走.完哂九點半出到銅鑼灣,諗住行monaco club,點知一入去啲防盜就係咁叫.最後心灰意冷咁走左去食野,板前又勁多人,跟住去左間叫御屋食野,間野真係不提也罷,然後就去港澳碼頭坐十一點半船番澳門

好開心, 亦都好攰啦~~
10:10 船 , 好多人排隊買飛呀
跟住係候船室食埋個早餐先登船
去到11:05 咁上下啦 * 老婆就瞓左一陣 :P

跟住又幾個箭步就去到金鐘
又見到好多人等緊呢部629 *去海洋公園專車
je 係又要排隊lo....咁又咁啱見到呀思雅同學 XD

跟住去到玩呀玩 , 排呀排 , 細節遲d 先講, 總之就好多人就係啦! 不過好好玩
因為老婆係我隔離陪住我呀!

跟住出番金鐘, 老婆比我行一陣SSP 咁我地就七點到左SSP
行左一陣迫左一陣就7:40 都番旺角

係旺角街頭到食下小食呀, 奶下西呀咁lo XD
諗住買波鞋又買唔到, 買衫又睇唔啱
睇啱又貴... 一件tee 成$880 , 痴線ka...

跟住老婆話去TST 睇VW 同 Burberry d 散紙包同銀包
就跟左佢去密密細步咁行 XD

然後又睇到好多LV , Parda , Channel , Dior , Hermens 等名店
跟住搭小輪過WC , 唉, 無window 位, 無靚景睇呀 :(

跟住去到CWB , 基本上Muji 係closed *sorry to my borther and toms :P
Time square 都唔比人上去了

只好去金百利同CWB中心買下野
都好, 我買都幾件衫
不過就比粒牛丸整dirty 左我件adidas lo

跟住就Taxi 去信德番歸了

回程的船程上, 我也睡了.... XD