Shadow 's Blog

我發覺, 只從七月後都無打過野, 無錯, 我就係咁懶架啦 XD

七月頭去完西北之後, 七月中又去左泰國, 然後成個八月都呆呆濟濟咁, 番工放工咁係澳門過, 係生日嗰日去左香港. 然後話咁快, 九月又開學啦, 開學後, 忙番工, 番學, 學生會既野, 基本上九月同十月都係咁. 無咩特別大既事發生. 然後十一月又精彩啦.

首先, 成功舉辦明愛慈善園遊會, 呢兩日雖然好辛苦, 但係好開心, 因為好成功!
然後, 啱啱11月9 - 12 又去左北京同北大交流, 北京落好大雪, 好凍, 但係好正! 去左好多地方, 發覺以前去既北京同啱啱去既北京真係好唔同, 車多左, 人既文化程度亦提高左, 有禮貌左好多.北京既感想會係第二篇到寫.
然後, 十一月番黎主力係搞掂埋學生會既手尾, 搞掂左就可以話完成今年任期既工作.然後月尾就去廣州睇車展... haha
十二月又會去兩次交流, 十二月頭會去台灣, 乜都未知, 咩資料都未有, 希望可以開開心心啦. 然後就十二月尾去廈門同廈大交流, 呢次以經係我今年第二次去廈門, 第一次就自己揸車去, 由於廈門唔係上次既重點, 而且時間緊迫, 只好走馬看花咁行左一圈. 今次應該會多啲時間架啦.

最後, 希望係十二月可以去浸番一次溫泉. 完結2009年.

Shadow