Shadow 's Blog

呢個暑假可以話係好充實, 但亦好似好頹... 不過去左好多地方, 見識多左

暑假由考完試開始, 第一站就係去海南島探媽媽加旅行, 第一次同女朋友坐飛機, 第一次住luxury hotel, 第一次渣車渣到烚著, 第一次潛水......

由呢一次開始, 我就鐘意左去旅行, 特別係自駕遊, 其實係去台灣時都已經鐘意, 因為我本身就鐘意渣車, 咁鐘意自駕遊都好平常啫....

今個暑假, 去既地方唔係遠, 不過真係多, 主要係海南島同珠三角, 佢地分別係, 海南既海口同三亞, 廣州, 番禺, 東莞, 深圳 (玩哂啦, 唔駛再去都得), 盤龍峽, 亦途經好多地方, 我諗總里程有兩千公里掛.... 其中有開心, 有唔開心, 不過都係一個好開心既回憶..... :)

講完玩講工作, 呢個暑假日日都係番overnight, 無一日唔係, 有好有唔好, 工作無早午咁忙, 但係又話轉fulltime, 轉黎轉去都轉唔到, 都唔知想點, 老實講, 如果一路都轉唔到, 我真係想轉番普通parttime 算, 做番個greeter 唔好?

果然, 大學生係全職玩, 兼職番工, 最尾先係學業...
依家講學業啦, 叫左係順順利利由大一升上大二, 希望大二生生性性, 好好讀書囉.... 星期一就開學啦, 做人師兄真係有啲興奮

係咁多........ 最尾講下近怳先
近來有愈來愈想裝修自己間屋, 好想將佢變成我想要既....
唔知幾時我先會擁有自己既家呢??