Shadow 's Blog

今日通宵更得閑, 係facebook frd 搭frd 咁搵番以前中學啲同學, 都搵到啲既...
然後就係到無無聊聊...

之前有知情人仕同我講我可能做host, 我都幾緊張, 一來驚我自己無呢個能力去做, 二來又怕我無精神番學, 不過我覺得呢個對我會係一項挑戰, 佢地覺得我可以做到就證明我有呢個能力啦....係咪?

早幾日又上左廣州, 蕉葉一樣係咁無服務, 重搞到同人地家姐抄左一大鑊, 我就無咩野, 睇戲囉 :D
晚上去食我最歡喜既巴西BBQ.... hehe , 跟住去左人生第一次既桑拿, 下次我又要再去呀!!

然後第二日行行企企咁又番來啦.... 下星期二去香港, 呢個summer 個個星期都有節目, 真係用左好多錢. 咁落去唔係辦法呢...

講開又講, 生日未到就以經收到咁大個仔最大份既禮物, 就係下邊嗰隻錶, 我真係估唔到佢真係會買, 我真係好開心呢~~~

唔知今年會收到幾多生日禮物呢..... ho~~

就番學啦, 重有三個星期.... 八月中唔知係唔係我就會轉做host 呢...