十二月八日上午七點半我就起左身 , 因為約好左水晶一齊去關閘, 加上我同佢都唔想渣車, 咁唯有一齊搭的士去啦. 去到關閘就搵我老豆攞錢先, 跟住去到Daiso M 記(約好了其他同學一齊食早餐再出發)用好高既速度食左個唔知咩味既豬柳漢堡. 跟住大家就一齊出發啦.
去到移民局... 我好後悔無跟我老豆車 XD , 排左成半個鐘先到我 , 點知Tracy 個自助過關過唔到, 後邊啲呀姐又係到話佢 , 搞到佢從新排過人手過關, 身為班長既我梗係要等埋佢先過關啦. 四個字之後佢就過到關. 然後出到去先知mike個證過左期, 要搞簽證, 但係學校同導遊都話唔等, 無計....出發啦只好.... ^%&*^$%^&$%^&*
經過唔知幾耐既時間 , 終於到左第一站 , 廣州大學城入邊既華南理工大學. 真係好鬼大囉, 澳門啲大學似中學多啲. 跟住我地係入邊既飯堂食飯, 對我地都幾好呀, 有蝦有魚有肉, 算唔錯啦, 不過買野飲嗰到唔收$100 紙 , 無奈囉.
行左一個圈之後, 就去下一站, 廣州藝術學院, 入邊啲野好靚呀, 搞到我都靚埋一份 *hohoho
影左好多相, 睇左好多學生既作品呀.
跟住就去左中山大學, 走馬看花咁行左一圈就去左政治學院交流啦
其實今次交流都交唔到乜野, 我最得益就係知道只係鵬總特別徧左, 其他都係中間徧左.
然後就上車, 去廣州食飯啦, 廣州係省會就真係省會, 雖然無香港咁多高樓大廈, 但係佢都比左一種好繁榮的感覺. 食完飯就番酒店lu..... *啲餸真係未見過咁細份囉
酒店就住如家, 導遊唔識路, 搵唔到係邊, 騰節左唔知幾耐, 到埗了.
好開心呀, 我自己一間房呀, 一個人住雙人房, 瞓雙人床, 真係勁無奈咁開心囉
跟住搭的士出上下九 , 個的士司機基本上係紅燈都沖 , 雖然係平常事 , 但係衝哂所有燈位就真係幾suprise... 跟住去到啦 , 我地係第四部車出發 , 但係反而唔見前邊三部車d 成員囉...
待續.....
0 留言:
發佈留言