Shadow 's Blog

十月一號 , 本來係國慶日 , 街上邊有各種慶祝節目 , 而澳門亦有好多團體為呢一日舉辦好多酒會黎慶祝中國生日

但係十月一號下晝 *包括九月三十號

澳門有好大批市民 , 駕駛住佢地既電單車 , 浩浩蕩蕩咁由祐漢公園出發
佢地唔係慶祝國慶 , 佢地係為左澳門其餘七萬幾個車主 ( 當中包括我屋企人 )
向政府表達佢地對新交通法的不滿 , 彼徨 , 甚至係憤怒

新交通法規定如果有罰款唔交 , 新一個稅務年度有關車輛係唔可以立牌 , 即係話你唔清就唔駛旨意再渣電單車係澳門街行 . 我相信呢個制度係外國會好受歡迎 / 好易獲得公眾接納.

但係澳門恰好相反 , 唔係因為澳門人窮 , 唔係因為澳門人唔肯罰錢
係因為澳門根本就唔夠車位 , 八萬部電單車 , 全澳門計埋私人先得二萬幾三萬個 , 當中包括離島車位 , 試問車位得三萬過 , 車有八萬部 , 重有五萬部只好迫住犯法 , 加上澳門開埠以來 (我有記憶開始) 都未有過足夠車位 , 好多人都係泊係行人路 , 唔阻行一路十幾年都相安無事
但係無啦啦今年就話要渣正黎做.... 試問廣大平民又點可以一時間接受到?
同埋 , 執法不公 , 政府車就可以橫行無忌咁泊黃實線 , 重可以大大聲聲話無問題 , 特殊情怳 , 澳門街又咁多個留用位比政府車 , 試問咁樣又點可以服眾呢?

其實有關當局有無諗過呢條法例一出 , 苦左幾多小市民?

澳門賭權開放後 , 經濟增張係雙位數 , 事實係一個好值得令人驕傲的一件事 . 但同時通脹亦很強勁 , 人工都追唔上通脹 , 一層樓由六七十萬 > 百二三萬 , 一般打工仔唔好話首期 , 供都未必供得掂.重話改善生活.... 保住生活都偷笑啦!

而且 , 回歸六年 , 貪污問題不斷惡化 , 政府官商勾結問題嚴重 , 賤價批地做成低地價高樓價 , 房屋問題 , 黑工外勞 等問題漸漸浮現 , 東亞運嚴重超支 , 歐文龍貪污醜聞 , 孫家雄局長的黑工事件等各種問題都未比到澳門市民一個清晰答案 ..... 試問一個咁樣既政府.... 點可以比信心澳門人?

澳門小城由真正和諧 > 表面和諧 *相信過埋今日表面都無

澳門政府會做咩黎挽回係市民中的聲譽
定係會不了了之 , 市民佢有佢地嘈 , 澳門政府有佢繼續單方面施政??